IP Raqamli dunyoning uy manzillari

Tasavvur qiling, internetdagi har bir qurilma (kompyuter, telefon, printer) o‘zining uy manziliga ega. Bu manzil unga boshqa qurilmalar bilan gaplashish imkonini beradi. Internetdagi har bir qurilmaning manzili – bu IP (Internet Protocol) manzil. Bu manzil orqali har bir qurilma "salom" deb internetga chiqadi va internet uni qayerga yuborish kerakligini biladi.

IP manzillar ikki asosiy versiyada ishlaydi: IPv4 va IPv6.

IPv4 va IPv6 o‘rtasidagi farq: Bir-biridan katta uylar!

Tarmoq manzillari dunyoda xuddi uy manzillari kabi ishlaydi: har bir qurilma o‘z manziliga ega, va bu orqali ular bir-biri bilan gaplashadi. Lekin manzillar ham o‘zgarib turadi! Mana, siz uchun IPv4 va IPv6 o‘rtasidagi farqni qiziqarli qilib tushuntirib beramiz.

IPv4 – “Katta oila uchun yetarli kvartira”

IPv4 – internetning eski, ammo hali ham ishga yaroqli tizimi. U 32 bitli, ya'ni taxminan 4,3 milliard manzil beradi. Bu hammasi yaxshi, to‘g‘rimi? Ammo keyin internetda shu qadar ko‘p qurilmalar paydo bo‘ldiki, bu manzillar tugab ketdi! Xuddi katta oilaga kichkina kvartira yetmaganday!

Misol: Sizning uyingizdagi Wi-Fi routeringiz manzili 192.168.1.1 – bu IPv4 manzili. Kvartiralarda yashaganlar bilishadi, bu manzillar ba'zan bir xil ko‘rinadi, xuddi 5-qavatdagi 6-uyda yashagan qo‘shningizdek.

IPv6 – “Butun osmono‘par kvartira bo‘sh joy bilan”

IPv6 esa "katta oilalar" muammosini hal qildi. U 128 bit va 340 unda 36ta nol bo‘lgan trilliondan ortiq manzil beradi! Boshqacha aytganda, hamma oilaga osmono‘par uy yetadi. Qurilmalar ko‘paymoqda, lekin IPv6 orqali joy har doim yetarli bo‘ladi.

Misol: IPv6 manzillari ko‘rinishi qiziqroq bo‘ladi: 2001:0db8:85a3:0000:0000:8a2e:0370:7334. Bunga qarab, sizga shunchalik keng joy berilganini his qilasizki, ko‘zingizga har xil raqamlar ko‘rina boshlaydi! Shubhasiz, bu manzillar hech qachon tugamaydi.

IPv4 va IPv6 o‘rtasidagi farq:

1. IPv4 – 32 bitli, ya'ni 4,3 milliard manzil yaratish mumkin. Qurilmalar ko‘paygani sari bu manzillar kamlik qila boshladi, xuddi kvartirada odamlar tiqilib qolganidek.

2. IPv6 – 128 bitli, ya'ni 340 trillion trillion trillion manzil yaratish mumkin. Endi har bir qurilmaga osmono‘par uyda joy bor – manzillar hech qachon tugamaydi!